Հարգելի Լենա, բարև Ձեզ: Ֆիբրոադենոման կրծքագեղձի բարորակ նորագոյացություն է, որն առաջանում է հորմոնալ խանգարումների ժամանակ: Հղիության ընթացքում կարող է նկատվել ֆիբրոադենոմային մեծացում, եթե մեծացոււմը զգալի է հնարավոր է վիրահատության կարիք լինի հենց հղիության ժամանակ:  Ձեզ մոտ ֆիբրոադենոմայի չափերը մեծ չեն, կարծում եմ հղիության ընթացքում ավելի մեծացում չի նկատվի: Ինչ վերաբերում է բուժմանը, գերակշռող դեպքերում վիրահատական է: Ծննդաբերությունից հետո, կախված ֆիբրոադենոմայի տեղակայումից կարող է խանգարել կրծքվ կերակրմանը: Որպես կանոն կերակրման ընթացքում ֆիբրոադենոմայի մեծացում չի նկատվում: Խորհուրդ կտայի լինել մամոլոգի հսկողության տակ: Բուժում ամեն դեպքում հարկավոր է, անկախ չափից:

Հարգելի AN 04.12.15, բարև Ձեզ: Այո կարելի է, սակայն միայն բժշկի նշանակմամբ:

Հարգելի Vard, բարև Ձեզ: Ամենայն հվանականությամբ Դուք հանձնել եք IgG-ն , որը ցույց է տալիս, որ նշված ինֆեկցիաները նախկինում տարել եք, և բնական է բուժում այժմ հարկավոր չէ դրա համար: Ինչ վերաբերում է միկոպլազմային և ուրեպլազմային, ապա բուժում ստանալուց հետո բնական է, նշանակված է կրկնակի հետազոտություն, պարզելու համար բուժումը էֆեկտիվ է եղել, թե ոչ:

Հարգելի Ani, բարև Ձեզ: Ձվարանների պոլիկիստոզի առաջացման պատճառները դեռ լիովին պարզված չեն: Պատճառներից են հիպոֆիզի և հիպոթալամուսի ֆունկցիայի խանգարումները, ինսուլինառեզիստենտականությունը, անդրոգեննրի սինթեզի ակտիվացումը, ինչպես նաև ժառանգականությունը: Հարկավոր է նախ պարզել պատճառը, այնուհետ փորձել վերացնել, եթե հնարավոր է: Ձվարանների պոլիկիստոզի բուժումը երկարաև է, հաճախ նաև բուժումը վիրաբուժական է: Եթե այլ հետազոտոթյուններ անցել եք խնդրում եմ գրեք, նաև, թե ինչ բուժում եք ստացել, և բուժման ընթացքում ձվազատում եղել է, թե ոչ:

Հարգելի Nina, բարև Ձեզ: Իհարկե ոչ, նման բան հնարավոր չէ: Ինքներտ էլ գիտեք, որ բեղմնավորման համար անհրաժեշտ են սպերմատոզոիդներ ))

Հարգելի NAIRA, բարև Ձեզ: Արգանդի նորմալ անատոմիական դիրքն առաջ թեքված է: Արգանդի հետթեքումը կամ ռետրոֆլեքսիան արգանդի պաթոլոգիական դիրք է: Տարբերում են ռետրոֆլեքսիայի շարժուն և ֆիքսված տեսաիկները:  Արգանդի հետթեքվածություն կարող է դիտվել փոքր կոնքի կպումային պրոցեսների դեպքում, էնդոմետրիոզի, հավելումների բորբոքումների դեպքում: Շարժուն ռետրոֆլեքսիա կարող է դիտվել արգանդի կապանների թուլացման, սեռական ինֆանտիլիզմի դեպքում: Հետթեքվածույան դեպքում հնարավոր է դիտվի անպտղություն, սակայն պետք է նշել, որ պատճառը ոչ թե հենց հետթեքումն է, այլ այն հիվանդությունը, որի պատճառով տեղի է ունեցել արգանդի հետթեքում:

Հարգելի Lilit, բարև Ձեզ: Հարկավոր է ուղղակի ամեն օր որովային առաջային պատի մկանները ձգող վարժություններ կատարել: Թել կապել, հատկապես ամուր, ցանկալի չէ: Համապատասխան վարժություններ կարող եք գտնել մեր կայքի "Մարմնամարզություն և սպորտ" բաժնից: Ստորև ներկայացնում ենք  հղումը.

https://www.med-practic.com/arm/81/article.html

Հարգելի Nare, բարև Ձեզ: Ոչ նման բան հնարավոր չէ: Ձեր նկարագրածն ավելի բնորոշ է հորմոնալ խանգարումներին:

Հարգելի Sona, բարև Ձեզ: Խնդրում եմ նշեք կա տեղային ջերմաստիճանի բարձրացում թե, ոչ: Ձեր նկարագրածն ավելի շատ նման է բարտոլինյան գեղձի կիստայի (բորբոքված) կամ թարախակույտի: Երկու դեպքում էլ բուժումը վիրաբուժական է: Սակայն համոզվելու համար խորհուրդ կտայի  դիմել գինեկոլոգի:

Հարգելի Silvi, բարև Ձեզ: Կուսաթաղանթի վնասման հավանականությունը քիչ է, հատկապես, եթե ցավ և արյուն չի եղել:

Հարգելի AN, բարև Ձեզ: Հղիության ընթացքում հակացուցված չէ սեռական կյանքով ապրել, եթե հղիությունն ընթանում է նորմալ: Պարզապես ցանկալի է ավելի մեծ ժամկետներում,  24-25 շաբ-ից սկսած խուսափել հաճախակի հարաբերություն ունենալուց, քանի որ հարաբերության ընթացքում արգանդի տունուսը բարձրանում է, որը կարող է վաղաժամ ծննդաբերության սպառնալիքի պատճառ դառնալ:

Հարգելի Karen, բարև Ձեզ: Ձեր հարցից անհասկանալի է, որ հատվածում է քորը, պուչուկային, թե երիկկամի հատվածում: Խնդրում եմ ավելի մանրամասն նշեք, քանի որ տարբեր տեղակայման դեպքում պատճառը տարբեր է Խնդրում եմ նաև նշեք կա արտադրություն, թե ոչ:

Հարգելի S S-??, բարև Ձեզ: Եթե հաստատված է, որ ձվազատում չի կատարվում, հարկավոր է պարզել պատճառը: Անօվոլյացիայի կամ  ձվազատման խանգարման պատճառ կարող են լինել հիպոֆիզի, հիպոթալամուսի հիվանդությունները, ուռուցքները, սեռական օրգանների բորբոքային հիվանդությունները, արգանդի միոման, հիպերանդրոգենէմիան, հիպերպրոլակտինէմիան, վահանագեղձի հիվանդությունները, սթրեսը, ճարպակալումը և այլն: Հարկավոր է նախ պարզել պատճառը, փորձել վերացնել այն: Բացի այդ մեկ ամսվա կուրսից հետո հնարավոր է ձվազատման ֆունկցիան չվերականգնվի, հարկավոր է մի քանի կուրս ընդունել: Եթե այլ հետազոտություններ անցել եք, կարող եք պատասխանները ներկայացնել, կփորձենք  օգնել Ձեզ:

Հարգելի Varsik, բարև Ձեզ: Լապարասկոպիա Ձե դեպքում կատարվում է առաջին հերթին ախտորոշիչ նպատակով: Լապարասկոպով կարելի է պարզել փողերի անցանելությունը, ախտորոշել արտաքին էնդոմետրիոզը, որի դեպքում կկատարվի օջախների այրում, ձվարանների պոլիկիսոտզ համախտանիշը, որի  դեպքում կկատարվի ձվարանների վապորիզացիա, ինչպես նաև փոքր կոնքի խոռոչում առկա կպումների անջատում: Նշված բոլոր խնդիրները կարող են դառնալ չբերության պատճառ: Այսինքն ախտորոշիչ լապարասկոպիան հարկ եղած դեպքում կդառնա վիրաբուժական: Հուսալիությունը կայանում է նրանում, որ փոքր կոնքի խոռոչում ցանկացած խնդիր կարելի է ախտորոշել լապարասկոպիայի միջոցով, հարկ եղած դեպքում նաև կատարել վիրաբուժական բուժում: Արժեքի մասին ստույգ տեղեկատվություն չենք կարող  ցավոք տրամադրել, քանի որ տարբեր կլինիկաներ ունեն տարբեր գնային սանդղակներ:

Հարգելի Amalya, բարև Ձեզ: Ստորև ներկայացնում են հղում, որտեղ կգտնեք Ձեզ անհանգստացնող հարցի պատասխանը.

https://www.med-practic.com/arm/346/13486/article.more.html

Հարգելի ??????, բարև Ձեզ: Լազերային վապորիզացիան կամ այրումը, արգանդի պարանոցի էրոզիայի բուժման ամենաէֆեկտիվ և անվտանգ մեթոդներից մեկն է: Այս մեթոդն ունի մի շարք առավելություններ, որոնք չունեն այլ մեթոդներ: Լազերային վապորիզացիայի դեպքում ցավը մինիմալ է, կարելի է կատարել առանց անզգայացման, սպի, որպես այդպիսին չի լինում, այդ պատճառով այն խորհուրդ է տրվում չծննդաբերած կանանց: Ինչ վերաբերում է հետագայում հղիանալուն, ապա այն ոչ մի կերպ չի խանգարում հղիությանը, կարելի է նույնիսկ ծննդաբերել բնական ճանապարհով: